INÍCIO | MENSAGEM DO PRESIDENTE | PNT HAKARAK MANAN ATU HARI'I NO HABURAS ITA NIA NASAUN | PROGRAMA POLÍTICO (PT) (IND)

 ESTATUTOS DO PNT | NOTÍCIAS | ARQUIVO DE IMAGENS | GRUPO PARLAMENTAR PNT | BIBLIOGRAFIA | OUVIR O HINO

Mensagem husi Presidente Partidu Nasionalista Timornian (PNT), Dr. Abilio Araújo

Kamarada Sira Hotu

Tuir ita nia sistema politiku Constituisaun RDTL nian lao oras ne daudauk, eleisaun (hilin) mai ne sei hili ita nia Deputadu sira ba Parlamentu Nasional, no mos sei deside se mak  Timur Oan sira hakarak atu kaer Ukun hanesan Primeiru Ministru foun.

Nune, ita sei ba hili ema  ida ne be  bele fo confiansa,  katak ho nia hamrik iha ita nia oin, ita sei  laran metin tamba HAMUTUK ITA SEI SALVA ITA RAIN husi susar, husi hamlaha no terus, husi manobra Rai seluk nian atu hanehan nafatin ita hodi susu ita nia rai bokur no ita nia isi bokur.

Ne duni, ita SEI HILI EMA IDA ATU SAI  ITA NIA PRIMEIRU MINISTRU, ema ida ne be bele hatene kaer management atu kaer ita nia riku soi iha rai leten no rai okos, iha tasi leten no  tasi okos, afoin, ema ida ne be bele halo ita nia Nasaun fila liman atu buras liu tan hodi hari’i ita nia Ekonomia no Sistema Finanseiru ida makas hodi mos bele fahe  didiak fali Rendimentu Nasional ba ita nia Povo tomak. Nune ita nia Rain sei bele hetan fali Solidariedade, Damen no Justisa Sosial iha ita nia let.

Partidu Nasionalista Timor nian hili tiha ona hau nudar Candidatu PNT nian ba Primeiru Ministru iha eleisaun (hilin) loron 30 fulan Junho mai ne. Atu ramata, hau sei dehan tan: HAU SURA HO IMI, IMI BELE SURA HO HAU ATU HAMUTUK ITA HALAO GOVERNO CONVERGENSIA NASIONAL  ATU HABURAS ITA RAIN iha dalan bot ba Desenvolvimento/Pembangunan. Rai Timur Lorosae nian.

Loron 29 fulan Maiu nian, tinan 2007

NOVIDADES | Acompanhe a campanha do partido para as eleições legislativas de 2007